Liber Numeri*
Caput 18: Versus 7
Tu autem et filii.[ID., hom. 16.]Alia littera, etc., usque ad quae si bene excolamus fructum vitae afferent nobis.Tu autem et filii tui.Allegorice. Perfectiores scilicet in Ecclesia, sancti doctores, quorum officium est sacramenta divina manibus contrectare, vasa sancta, id est Scripturae mystica verba ventilare et ad intellectum perducere[II Par. 26.]. Caetera autem turba meditetur diligenter quae capere potest, et quae magistrorum discretio jubet.Si quis externus,etc. Non de tribu Levi. Ozias enim de tribu Juda, quia usurpavit sacerdotium, lepra percussus est.